Skrifstofa lokuð vegna sumarleyfa

Skrifstofa Hafnarborgar verður lokuð frá og með 15. júlí til 5. ágúst vegna sumarleyfa starfsfólks.

Opið verður áfram á sýningar safnsins eins og venjulega, kl. 12–17 alla daga, nema þriðjudaga.

Aðgangur ókeypis.

Sjáumst í Hafnarborg í sumar!

Sönghátíð – námskeið fyrir börn og fullorðna

Hin árlega Sönghátíð í Hafnarborg verður haldin í þriðja sinn dagana 28. júní–14. júlí 2019. Á hátíðinni verður boðið upp á alls sjö tónleika með framúrskarandi söngvurum og hljóðfæraleikurum, auk margvíslegra námskeiða fyrir börn og fullorðna, leika sem lærða.

Námskeiðin sem boðið er upp á í ár eru:

Auk þess er boðið upp á master class fyrir unga söngvara og söngnemendur með Kristni Sigmundssyni.

Sönghátíð í Hafnarborg var stofnuð með það að markmiði að koma list raddarinnar á framfæri en listrænir stjórnendur eru Guðrún Jóhanna Ólafsdóttir og Francisco Javier Jáuregui. Nánari upplýsingar um námskeiðið og hátíðina má finna á www.songhatid.is.

Sönghátíð – krílasöngur

Við syngjum, dönsum og hlustum á tónlist saman. Nánd og snerting styrkir tengslamyndun milli foreldra og barna og sönggleðin styrkist. Þá sýna rannsóknir meðal annars að tónlist örvar hreyfi- og tilfinningaþroska barna. Tónlistarstundirnar örva því öll skynsvið krílanna og þau njóta þess að vera með öðrum börnum og hinum fullorðnu. Börnin skynja stemninguna sem skapast og upplifa gleðina í umhverfinu. Krílasöngurinn er hugsaður fyrir öll ungbörn en kennari er Svafa Þórhallsdóttir.

Dagsetningar:
Föstudaginn 5. júlí kl. 16 eða
sunnudaginn 7. júlí kl. 11.

Námskeiðsgjald:
1.500 kr. á barn í eitt skipti.

Lengd:
45 mínútur.

Skráning fer fram í gegnum netfangið hafnarborg@hafnarfjordur.is.

Vinsamlegast látið upplýsingar um nafn og kennitölu barns, nöfn foreldra eða forráðamanna, símanúmer og netfang fylgja umsókninni. Endilega hafið samband í síma 585 5790, ef eitthvað er óljóst varðandi skráninguna. Nánari upplýsingar um námskeiðið og hátíðina má finna á www.songhatid.is.

Sönghátíð – söngnámskeið með Guðrúnu Jóhönnu

Sönghátíð í Hafnarborg býður upp á tveggja daga söngnámskeið fyrir áhugafólk um söng með mezzósópransöngkonunni Guðrúnu Jóhönnu Ólafsdóttur. Farið verður í ýmislegt varðandi söngtækni, svo sem líkamsstöðu, öndun, stuðning, sérhljóðamyndun, að syngja hreint, hátt og lágt, veikt og sterkt. Markmið námskeiðsins er að nemendur nái að njóta þess að syngja af enn meira frelsi en áður. Námskeiðið er tilvalið fyrir alla þá sem hafa gaman af því að syngja og vilja ná betra valdi á röddinni, eins og t.d. þá sem syngja í kór. Ekki er nauðsynlegt að hafa lært söng áður, verið í tónlistarskóla eða að kunna að lesa nótur. Aldurslágmark er 13 ár en það er ekkert aldurshámark.

Dagsetningar:
Laugardaginn 6. júlí kl. 15–17 og
Sunnudaginn 7. júlí kl. 15–17.

Námskeiðsgjald (2 klst. í 2 daga):
9.900 kr. Innifalinn er einn boðsmiði á eina tónleika að eigin vali á Sönghátíð í Hafnarborg. Athugið að fjöldi þátttakenda er takmarkaður.

Skráning fer fram í gegnum netfangið hafnarborg@hafnarfjordur.is.

Vinsamlegast látið upplýsingar um nafn, kennitölu, símanúmer og netfang fylgja umsókninni. Endilega hafið samband í síma 585 5790, ef eitthvað er óljóst varðandi skráninguna. Nánari upplýsingar um námskeiðið og hátíðina má finna á www.songhatid.is.

Sönghátíð – söngsmiðja fyrir börn 6–12 ára

Sönghátíð í Hafnarborg býður upp á tveggja daga söngsmiðju fyrir krakka á aldrinum 6–12 ára. Námskeiðinu lýkur með þátttöku krakkanna í Fjölskyldutónleikum Dúó Stemmu sunnudaginn 30. júní kl. 16:30, „Ó blessuð vertu sumarsól“. Aðgangur á tónleikana er ókeypis svo það er tilvalið fyrir fjölskyldu og vini að koma og hlusta. Námskeiðið fer fram í Apótekssal Hafnarborgar og kennari er Brynhildur Auðbjargardóttir, kórstjóri og tónmenntakennari.

Dagsetningar:
Laugardaginn 29. júní kl. 13–16 og
sunnudaginn 30. júní kl. 13–16.

Námskeiðsgjald (3. klst í 2 daga):
6.000 kr. á barn. Systkinaafsláttur 1.000 kr.

Í söngsmiðjunnni fá þátttakendur tækifæri til að kynnast eftirfarandi:
– Grunntækni í söng eins og öndun og líkamsstöðu.
– Að syngja fjölraddað í hópi.
– Að nota mismunandi blæbrigði raddarinnar í söng.
– Að leika skemmtileg hrynmunstur með sleglum og prikum.
– Að kynnast nýjum krökkum í gegnum tónlistina.
– Að koma fram á fjölskyldutónleikum með Dúó Stemmu sunnudaginn 30. júní kl. 16:30.

Allir krakkar sem hafa áhuga á söng eru hvattir til að koma, bæði krakkar í kór og þeir sem aldrei hafa sungið í kór.

Skráning fer fram í gegnum netfangið hafnarborg@hafnarfjordur.is.

Vinsamlegast látið upplýsingar um nafn, kennitölu, símanúmer og netfang fylgja umsókninni. Endilega hafið samband í síma 585 5790, ef eitthvað er óljóst varðandi skráninguna. Nánari upplýsingar um námskeiðið og hátíðina má finna á www.songhatid.is.

Sönghátíð – tónlistarsmiðja fyrir börn 3–5 ára

Sönghátíð í Hafnarborg býður upp á tónlistarsmiðju fyrir börn á aldrinum 3–5 ára ásamt foreldrum. Í smiðjunni munu börnin eiga saman góða og gefandi stund í gegnum tónlistarupplifun. Sungin verða ýmis skemmtileg lög, dansað, farið í tónlistartengda leiki og spilað á hljóðfæri. Í lokin er í boði að syngja lag í hljóðnema fyrir þau sem vilja. Námskeiðið fer fram í Apótekssal Hafnarborgar og kennari er Valgerður Jónsdóttir.

Dagsetning:
Sunnudaginn 7. júlí kl. 13.

Námskeiðsgjald:
1.500 kr. á barn. Systkinaafsláttur 500 kr.
Athugið að hámarksfjöldi er 12 börn.

Lengd:
45 mínútur.

Skráning fer fram í gegnum netfangið hafnarborg@hafnarfjordur.is.

Vinsamlegast látið upplýsingar um nafn og kennitölu barns, nöfn foreldra eða forráðamanna, símanúmer og netfang fylgja umsókninni. Endilega hafið samband í síma 585 5790, ef eitthvað er óljóst varðandi skráninguna. Nánari upplýsingar um námskeiðið og hátíðina má finna á www.songhatid.is.

Skemmtidagskrá á þjóðhátíðardaginn 2019

Hafnarborg verður opin eins og venjulega á þjóðhátíðardaginn 17. júní kl. 12–17, auk þess að taka þátt í hátíðarhöldunum með sérstakri skemmtidagskrá í og við Hafnarborg yfir daginn.

Kl. 14 – Guðrún Árný, söngkona, spilar og syngur íslenskar perlur í aðalsal

Kl. 15:30 – Ingó Geirdal, töframaður, sýnir töfrabrögð í aðalsal

Þá geta gestir að sjálfsögðu skoðað sýningar safnsins, Tímahvörf – sýn átta samtímaljósmyndara á Hafnarfjörð og comme ça louise?, en auk þess verður þjóðbúningasýning í Apótekinu á neðri hæðinni, þar sem sérstök áhersla er lögð á þjóðbúninga kvenna og þróun þeirra. Einnig stendur gestum til boða að taka þátt í sérstökum sumarratleik um sýningar Hafnarborgar.

Við Hafnarborg verður svo boðið upp á margvísleg skemmtiatriði kl. 14–16: línudans félags eldri borgara, Dansíþróttafélag Hafnarfjarðar, Fimleikafélagið Björk, gjörning listahóps Vinnuskólans og hljómsveitirnar Little Menace og Ravison.

Aðgangur að safninu er ókeypis, líkt og alla daga ársins.

Menningar- og heilsugöngur Hafnarfjarðar sumarið 2019

Í sumar býður Hafnarfjarðarbær upp á menningar- og heilsugöngur öll fimmtudagskvöld, eins og fyrri ár. Flestar göngur taka um klukkustund og hefjast kl. 20, nema annað sé tekið fram. Þátttaka í göngunum er ókeypis og allir velkomnir. Dagskrá sumarsins er eftirfarandi:

6. júní: Undirhlíðar – óvænt uppákoma
Einar Skúlason leiðir 90–120 mínútna göngu að Undirhlíðum á fjölbreyttu undirlagi. Á leiðinni verður óvænt uppákoma eða uppákomur sem gera gönguna að ennþá skemmtilegri reynslu. Gengið frá bílastæðinu við Kaldárselsveg.

13. júní: Á slóðum ljósmyndanna
Kirsten Simonsen, sýningarstjóri, og Magnea Guðmundsdóttir, arkitekt, ganga um slóðir ljósmyndasýningarinnar Tímahvarfa, sem nú stendur yfir í Hafnarborg. Rætt verður um bæinn, þróun hans og ímynd, eins og hún birtist okkur í myndum ljósmyndaranna sem taka þátt í sýningunni. Gengið frá Hafnarborg.

20. júní: Barnaganga – kl. 18
Fanney Rós Magnúsdóttir, íþróttafræðingur, leiðir barnagöngu um Víðistaðatún. Skemmtiganga fyrir alla fjölskylduna þar sem boðið verður upp á upphitun, leiki, teygjur og slökun, sem er sérstaklega hugsuð fyrir yngstu göngugarpana. Gengið frá útigrillhúsinu á Víðistaðatúni. Heitt verður í kolunum í grillhúsinu að lokinni göngu fyrir þá sem vilja grilla.

27. júní: Hafnarfjarðarhöfn 110 ára
Lúðvík Geirsson, hafnarstjóri Hafnarfjarðarhafnar, leiðir göngu um ljósmyndasýningu Byggðasafnsins á Strandstígnum. Gengið frá Drafnarslippnum.

4. júlí: Fjölskylduganga í Valaból – kl. 18
Kolbrún Kristínardóttir, barnasjúkraþjálfari, leiðir göngu að Valabóli. Æskilegt er að þátttakendur komi með heimagert hollt nesti en stoppað verður í miðri göngu og áð. Gengið frá bílastæðinu við Kaldárselsveg.

11. júlí: Hraun – hvar býr fegurðin?
Kristján Örn Kjartansson, arkitekt hjá KRADS, leiðir göngu um Hraunin og beinir sjónum okkar að hverfinu eins og það er í dag, auk þess að lýsa framtíðarsýninni á hverfið sem gengur senn í endurnýjun lífdaga. Gengið frá Bónus í Helluhrauni.

18. júlí: Stekkjarhraun
Jónatan Garðarsson leiðir göngu um Stekkjarhraun upp að Lækjarbotnum. Gengið frá Setbergsskóla.

25. júlí: Krýsuvík
Minjaganga um byggðahverfið í Krýsuvík, höfuðbólið og kirkjustaðinn. Gengið frá bílastæðinu við Krýsuvíkurbæinn.

1. ágúst: Húsameistarinn í Hafnarfirði
Pétur H. Ármannsson, arkitekt, leiðir göngu milli húsa sem Guðjón Samúelsson, arkitekt og húsameistari ríkisins, teiknaði í Hafnarfirði og ræðir einnig hugmyndir Guðjóns um skipulag bæjarins. Pétur vinnur nú að bók um Guðjón, auk sýningar sem sett verður upp í Hafnarborg í vetur. Gengið frá Hafnarborg.

8. ágúst: Bókmenntabærinn Hafnarfjörður
Hjalti Snær Ægisson, bókmenntafræðingur, stýrir göngu um slóðir hafnfirskra rithöfunda og ljóðskálda. Staldrað verður við heimili nokkurra þekktra höfunda, spjallað um eftirminnilegar bækur og lesin brot úr völdum verkum. Lögð verður sérstök áhersla á tímabilið 1940–1980 í sagna- og ljóðagerð og rætt um bókmenntaverk þar sem Hafnarfjörður er sögusviðið. Gengið frá Bókasafni Hafnarfjarðar.

15. ágúst: Skógarganga um Höfðaskóg
Steinar Björgvinsson, framkvæmdastjóri Skógræktarfélags Hafnarfjarðar, leiðir skógargöngu um Höfðaskóg. Steinar þekkir vel til umhverfis skógræktarinnar og þess sem skógurinn hefur upp á að bjóða. Að þessu sinni verður fyrst og fremst farið um trjá- og rósasafnið og fjallað um þær fjölbreyttu tegundir sem tekist hefur að koma á legg í Höfðaskógi. Mæting í Gróðrastöðina Þöll við Kaldárselsveg.

22. ágúst: Álfaganga um Hafnarfjörð
Bryndís Björgvinsdóttir, þjóðfræðingur, leiðir göngu þar sem valdir sögu- og álfasteinar í Hafnarfirði verða heimsóttir, saga þeirra rakin og sett í samhengi við ýmsar kenningar um álfatrú Íslendinga. Reynt verður að svara spurningum um muninn á álfum, huldufólki og dvergum, auk þess hvar og hvenær álfar birtast helst okkur mannfólkinu, samkvæmt þjóðtrúnni.  Gengið frá Bókasafni Hafnarfjarðar.

29. ágúst: Gamli bærinn
Björn Pétursson, bæjarminjavörður, leiðir sögugöngu um gamla bæinn. Gengið frá Pakkhúsinu.

Menningar- og heilsugöngurnar eru samstarfsverkefni Hafnarborgar, Byggðasafns Hafnarfjarðar, Bókasafns Hafnarfjarðar og heilsubæjarins Hafnarfjarðar.

Sumarnámskeið Hafnarborgar 2019

Í sumar verður boðið upp á myndlistarnámskeið fyrir börn á aldrinum 6–12 ára í Hafnarborg. Farið verður í rannsóknarleiðangra og undirstöðuatriði myndlistar kynnt í gegnum rannsóknir á umhverfinu, sýningar í safninu og skapandi vinnu.

Unnin verða skapandi verkefni í fjölbreytta miðla – teiknað, málað og mótað – með það að markmiði að þjálfa sjónræna athygli, örva skapandi hugsun og persónulega tjáningu barnanna. Leiðbeinandi er Irene Hrafnan, myndlistarkona.

Í boði eru tvö 4 daga námskeið og eitt 5 daga námskeið fyrir aldurshópana 6–9 ára og 10–12 ára. Ekkert námskeiðanna verður eins og því er börnum velkomið að taka þátt í fleiri en einu námskeiði.

Boðið verður upp á eftirfarandi námskeið:

11.–14. júní (4 dagar)
6–9 ára: kl. 9:00–12:00
10–12 ára: kl. 13:00–16:00

18. júní–21. júní (4 dagar)
6–9 ára: kl. 9:00–12:00
10–12 ára: kl. 13:00–16:00

24. júní–28. júní (5 dagar)
6–9 ára: kl. 9:00–12:00
10–12 ára:kl. 13:00–16:00

Námskeiðsgjald er 12.500 krónur fyrir 4 daga námskeið og 14.000 krónur fyrir 5 daga námskeið.

  • Systkinaafsláttur: Fullt gjald er greitt fyrir eitt barn en 50% afsláttur er veittur af námskeiðagjaldi annarra systkina.
  • Vinsamlegast látið vita ef barn er með sérþarfir sem taka þarf tillit til.

Athugið að fjöldi þátttakenda er takmarkaður.

Skráning fer fram í gegnum „Mínar síður“ á vef Hafnarfjarðarbæjar. Frekari upplýsingar um sumarnámskeiðin eru veittar í síma 585 5790 eða í gegnum netfangið hafnarborg@hafnarfjordur.is.

Bjartir dagar í Hafnarborg 2019

Hér má sjá dagskrá Hafnarborgar á Björtum dögum í Hafnarfirði árið 2019, sem fram fara dagana 24.–28. apríl að þessu sinni:

Miðvikudagur 24. apríl
Kl. 17: Afhending menningarstyrkja og tilkynning bæjarlistamanns

Tilkynnt verður hvaða Hafnfirðingur hlýtur nafnbótina bæjarlistamaður Hafnarfjarðar árið 2019 og menningarstyrkir afhentir. Tónlistarmenn úr hópi styrkhafa flytja tónlist við athöfnina og að henni lokinni verður boðið upp á léttar veitingar.

Fimmtudagur 25. apríl, sumardagurinn fyrsti
Kl. 12: Hádegistónleikar – Alda Ingibergsdóttir
Í tilefni dagsins flytja Alda Ingibergsdóttir, sópran, og Antonía Hevesi, píanóleikari, vel valdar sumarperlur á sérstökum aukahádegistónleikum, þar sem gleðin ræður ríkjum. Aðgangur ókeypis.

Föstudagur 26. apríl
Kl. 17-21: Gakktu í bæinn
Kvöldopnun í Hafnarborg í tilefni Bjartra daga. Verið velkomin á sýningarnar Fyrirvara, eftir Brynjar Sigurðarson og Veroniku Sedlmair, og Teikningar/skissur í leir og textíl, eftir Kristínu Garðarsdóttur, sem opnuðu á HönnunarMars. Hamingjustund í samvinnu við Krydd og sumardjass í umsjón Ragnars Más Jónssonar. Ratleikur fyrir gesti, unga sem aldna. Aðgangur ókeypis.

Laugardagur 27. apríl
Kl. 12-17: Hefðbundinn opnunartími

Ratleikur fyrir gesti safnsins, unga sem aldna, í boði yfir helgina. Aðgangur ókeypis.

Sunnudagur 28. apríl
Kl. 14: Sýningarspjall
Kristín Garðarsdóttir, leirlistamaður og hönnuður, og Brynhildur Pálsdóttir, sýningarstjóri, fjalla um sýninguna Teikningar/skissur í leir og textíl, þar sem sjá má afrakstur vinnu Kristínar í European Ceramic Workcenter (EKWC) og TextielLab í Hollandi.
Kl. 15: Leirlistasmiðja
Boðið verður upp á skapandi leirlistasmiðju fyrir alla fjölskylduna í tengslum við hönnun sem nú er til sýnis í Hafnarborg. Hámark 20 þátttakendur. Forskráning á hafnarborg@hafnarfjordur.is.
Kl. 20: Hljóðön – Rapsódía
Síðari tónleikar Stirnis Ensemble á yfirstandandi starfsári tónleikaraðarinnar Hljóðana í Hafnarborg en Stirni Ensemble hefur verið staðarlistahópur tónleikaraðarinnar starfsárið 2018-2019. Hópinn skipa Björk Níelsdóttir, Grímur Helgason, Hafdís Vigfúsdóttir, og Svanur Vilbergsson. Efnisskrá tónleikanna er rapsódísk, þar sem flakkað verður frjálslega á milli ólíkra hljóð- og hugmyndaheima. Aðgöngumiðar seldir á staðnum. Almennt miðaverð kr. 2.500, verð fyrir eldri borgara og námsmenn kr. 1.500.