Solander 250: Bréf frá Íslandi

Anna Líndal, Aðalheiður Valgeirsdóttir, Daði Guðbjörnsson, Gíslína Dögg Bjarkadóttir, Guðmundur Ármann Sigurjónsson, Iréne Jensen, Laura Valentino, Soffía Sæmundsdóttir, Valgerður Björnsdóttir, Viktor Hannesson.
Paradise Lost – Daniel Solander’s Legacy:
John Pusateri, Alexis Neal, Dagmar Dyck, John McLean, Tabatha Forbes, Michel Tuffery, Sharnae Beardsley, Jo Ogier, Lynn Taylor og Jenna Packer.

Laugardaginn 27. ágúst kl. 14 verða tvær sýningar opnaðar í Sverrissal Hafnarborgar. Sýningin Solander 250: Bréf frá Íslandi og Paradise Lost – Daniel Solander’s Legacy.

Sýningin Solander 250: Bréf frá Íslandi er sett upp til að minnast þess að árið 2022 eru 250 ár liðin frá fyrsta erlenda vísindaleiðangrinum til Íslands 1772. Með í þeirri för var einn af lærisveinum hins heimsþekkta sænska náttúruvísindamanns Carls von Linné, sænski náttúrufræðingurinn Daniel Solander. Solander skrásetti m.a. ýmislegt um náttúru Íslands, menningu, siði og klæðaburð. Tíu íslenskir grafíklistamenn frá Íslenskri grafík túlka á sýningunni þessa atburði og þær breytingar sem hafa átt sér stað á landi og þjóð.

Samhliða verður sýningin Paradise Lost – Daniel Solander’s Legacy opnuð. Þar sýna 10 listamenn frá Kyrrahafssvæðinu en Solander var í áhöfn HMS Endeavour í fyrstu ferð Evrópumanna til Ástralíu. Sýningin hefur áður verið sett upp á Nýja-Sjálandi, í Ástralíu og Svíþjóð. Sýningarnar tvær mynda því einstakt samtal Norðurskautsins og Kyrrahafsins í gegnum ferðir Daniels Solanders. Sýningarnar tvær eru samstarfsverkefni sendiráðs Svíþjóðar á Íslandi og félagsins Íslenskrar grafíkur.

Þátttakendur í Solander 250: Bréf frá Íslandi eru Anna Líndal, Aðalheiður Valgeirsdóttir, Daði Guðbjörnsson, Gíslína Dögg Bjarkadóttir, Guðmundur Ármann Sigurjónsson, Iréne Jensen, Laura Valentino, Soffía Sæmundsdóttir, Valgerður Björnsdóttir, Viktor Hannesson.

Þátttakendur í Paradise Lost – Daniel Solander’s Legacy eru John Pusateri, Alexis Neal, Dagmar Dyck, John McLean, Tabatha Forbes, Michel Tuffery, Sharnae Beardsley, Jo Ogier, Lynn Taylor og Jenna Packer.