irisreticulata

Opnunartími um páska

Skírdagur  opið frá kl. 1217
Föstudagurinn langi – LOKAÐ
Páskasunnudagur – LOKAÐ
Annar í páskum  opið frá kl. 1217

Gleðilega páskahátíð.

safnanott-featureimage

Safnanótt 2018

Hafnarborg opnar dyr sínar fram á kvöld og býður upp á fjölbreytta og skemmtilega dagskrá fyrir bæði börn og fullorðna á Safnanótt föstudaginn 2. febrúar frá klukkan 1823.

Dagskrá

18:00–23:00 Ultimate, Relative
Innsetning eftir Ráðhildi Ingadóttur. Á sýningunni dregur hún upp svipmyndir af eigin heimi með upptökuvél, þar sem hún sækir í eigin reynslu og dregur fram minningar. Við greinum einstakling sem rennir augum sínum yfir fjölda upplifana og ristir fortíðina í nútíðina. Listamaðurinn er í sínum eigin heimi, á þeim stað þar sem hið lítilfjörlega mætir hinu stórmerkilega.

18:00–23:00 Minningarbrot og leyndir staðir
Sýning á völdum myndum úr tveimur ljósmyndaseríum, Hidden Places og Fragments oRemembrance, eftir danska ljósmyndarann Astrid Kruse Jensen, sem heimsótti Ísland fyrir 15 árum síðan og vann hér ljósmyndaseríur sem síðan hafa borið hróður hennar víða. Í verkum sínum fæst Astrid við myrkrið, tómleikann og minnið. Í myndum þeim sem teknar voru á Íslandi leitast hún við að fanga myrkrið, þöglar stillur í einmanalegu vetrarlandslagi. Í seríunni Fragments of Remembrance lætur hún efnafræðina skapa tilfinningu fyrir óljósum minningarbrotum úr eigin fjölskyldu með því að framkalla gamlar filmur úr eigu fjölskyldunnar.

18:00–23:00 Gamall draumur
Í tilefni safnanætur verður vídeóverki eftir Ráðhildi Ingadóttur varpað á húsgafl Hafnarborgar, þar sem gestir safnsins og fólk í nágrenni þess geta notið. Verkið kallast á við sýningu Ráðhildar, Ultimate, Relative, sem nú stendur yfir í safninu, en þar fjallar hún um óendanleikann, drauma og minningar.

radhildur-banner4
18:00–20:30 Draumasmiðja
Listasmiðja fyrir börn á aldrinum 6 – 12 ára. Smiðjan tengist umfjöllunarefni yfirstandandi sýninga í Hafnarborg, draumar og minningar sem efniviður í sköpun. Hvernig eru draumar uppbyggðir? Hafa þeir útlínur og form og hvernig er atburðarásin? Hvað eru minningar og minningarbrot? Unnið verður með mismunandi form, ljósmyndir og liti í þrívídd.

18:00–20:00 Draumafangarar – listasmiðja
Draumafangaragerð fyrir 8 ára og eldri. Það er skemmtilegt og einfalt að búa til draumafangara, enda mikil húsprýði og ganglegir til að fanga góða drauma. Leiðbeinandi er Tinna Þórudóttir Þorvaldar sem hefur haldið fjölda hannirðanámskeiða og gefið út þrjár bækur um hekl.

20:00–23:00 Teboð
Hafnarborg tekur hlýlega á móti gestum Safnanætur og býður uppá fjölbreytt úrval te-tegunda. Það er því tilvalið að koma og ylja sér á köldu febrúarkvöldinu og upplifa í leiðinni skemmtilega dagskrá Hafnarborgar á Safnanótt.

radhildur-banner2

20:00–20:30 Leiðsögn um sýninguna Ultimate, Relative
Leiðsögn um sýninguna Ultimate, Relative, innsetningu eftir Ráðhildi Ingadóttur.

astrid-banner

21:00–21:30 Leiðsögn um sýninguna Minningarbrot og leyndir staðir
Leiðsögn um sýninguna Minningarbrot og leyndir staðir eftir danska ljósmyndarann Astrid Kruse Jensen.

21:00–22:00 Draumar, talnaspeki og lófalestur
Fáðu ráðið úr draumum þínum, láttu lesa framtíðina úr lófa þínum eða rýna í tölur nafns þíns. Sýningar Hafnarborgar um þessar mundir fjalla um drauma og minningar og því er ekki úr vegi að kafa enn dýpra í undirmeðvitundina og skoða hvað framtíðin ber í skauti sér.

radhildur-banner2
21:30–22:30 Heim til míns hjarta
Tónlistarmaðurinn og Hafnfirðingurinn Marteinn Sindri mun leika fyrir gesti Hafnarborgar efni af fyrstu hljóðversplötu sinni, sem væntanleg er á þessu ári. Marteinn Sindri er tuttugu og átta ára aðfluttur Hafnfirðingur og hefur á síðustu misserum verið að hasla sér völl sem lagasmiður og textahöfundur. Marteinn býr að fjölbreyttri tónlistarreynslu, lærði klassískan píanóleik, hefur leikið djassmúsík og starfað með ýmsum hljómsveitum. Marteinn vinnur nú að upptökum á fyrstu hljóðversplötu sinni en fyrsta smáskífa plötunnar „Spring Comes Late Sometimes“ kom út á síðasta ári. Á Safnanótt koma fram með Marteini kontrabassaleikarinn Óttar Sæmundsen og slagverksleikarinn Ólafur Björn Ólafsson, sem báðir verið atkvæðamiklir í íslensku tónlistarlífi um langt skeið.

agusta-featureimage

Söfn á undarlegum stöðum – Hlaðvarp

Museums in Strange Places er hlaðvarp um söfn og safnamenningu á Íslandi. Hanna Hethmon heimsótti Hafnarborg og spjallaði við Ágústu Kristófersdóttur, forstöðumann. Upplýsingar um hlaðvarpið má finna hér en hægt er að hlusta á þáttinn í heild sinni í spilaranum hér að neðan.

syningarfeatureimage

Kveðja frá Hafnarborg

HFB_jolakvedja_des2017_03.indd
il_340x270.525172035_al3o

Opnunartími um jól og áramót

Hefðbundinn opnunartími verður í Hafnarborg fram að jólum en síðasti sýningardagur sýninganna Japönsk nútímahönnun 100 og Með augum Minksins verður á Þorláksmessu, laugardaginn 23. desember.

Safnið verður svo lokað fram að næstu sýningaropnun sem verður laugardaginn 20. janúar 2018.

Þorláksmessa, 23. desember – opið frá kl. 12–17.
24. desember–19. janúar – LOKAÐ.
Laugardagur, 20. janúar – sýningaropnun kl. 15.
Sunnudagur, 21. janúar – opið frá kl. 12 – 17.

ugh

Kærleikskúlan 2017

Kærleikskúlan Ūgh & Bõögâr eftir Egil Sæbjörnsson er nú fáanleg í safnbúð Hafnarborgar til 20. desember 2016.

Tilgangurinn með sölu Kærleikskúlunnar er að auðga líf fatlaðra barna og ungmenna og rennur allur ágóði til starfsins í Reykjadal en þar dvelja fötluð börn og ungmenni í sumarbúðum og um helgar yfir vetrartímann. Dvölin í Reykjadal er börnunum og fjölskyldum þeirra afar mikilvæg. Mikið er lagt upp úr því að börnin njóti dvalarinnar til hins ýtrasta, þau upplifi ævintýri og skemmti sér í hópi jafnaldra.

Svona lýsir Egill Sæbjörnsson því hvernig Kærleikskúla ársins varð til:

 

Kærleikskúlan er blásin glerkúla tær eins og kærleikurinn með borða í rauðum lit, lit lífskrafts og gleði, jóla og vináttu. Eins og mennirnir eru engar tvær kúlur nákvæmlega eins en allar fallegar, hver á sinn hátt.

Kúlan Egils Sæbjörnssonar bætist í fjölbreytt safn af Kærleikskúlum sem Styrktarfélag lamaðra og fatlaðra hefur gefið út fyrir jólin síðan 2003. Fjölmargir listamenn hafa lagt málefninu lið í gegnum árin og því eru kærleikskúlurnar fjölbreytt safn listaverka. Listamennirnir hafa allir gefið vinnu sína og þannig stutt dyggilega við starf í þágu fatlaðra barna og ungmenna.

 

Boogar_530x@2x

Allir þeir söluaðilar sem selja Kærleikskúluna gera það án þóknunar og leggja því málefninu mikilvægt lið.

jol2017-featureimage-red

Syngjandi jól 2017

Laugardaginn, 3. desember verða Syngjandi jól haldin í Hafnarborg líkt og fyrri ár. Þá fyllist Hafnarborg af söng og hátíðaranda er fjölmargir kórar Hafnarfjarðar skipaðir söngfólki á öllum aldri koma saman. Dagskráin hefst kl. 10:40 og lýkur kl. 15:40. Syngjandi jól eru nú haldin í tuttugasta og fyrsta sinn en verkefnið er samstarfsverkefni skrifstofu fræðslu- og frístundarþjónustu Hafnarfjarðar, Jólaþorpsins og Hafnarborgar.

Vegna tónleikanna eru sýningar Hafnarborgar lokaðar þennan dag.

Dagskrána má sjá hér að neðan:

Syngjandi jól 2017
bokabud-featureimage

Safnbúð Hafnarborgar

Í safnbúð Hafnarborgar má finna fallegar listrænar bækur og sýningarskrár. Þar má finna yfir 50 bókatitla á hagstæðu verði auk vandaðra póstkorta og veggspjalda. Safnverslunin er opin á opnunartíma Hafnarborgar, alla daga nema þriðjudaga, frá klukkan 12 – 17.

DSCF3161-17sm
DSCF3160-16sm
DSCF3166-22sm
námskeið-featureimage

Listasmiðjur í vetrarfríi 19. og 20. október

Vetrarfrí verður í skólum hafnarfjarðar dagana 19. og 20. október og að því tilefni býður Hafnarborg börnum að taka þátt í skemmtilegum listasmiðjum báða dagana frá kl. 13 til 15. Smiðjurnar eru tvær og hægt að mæta báða dagana eða annan hvorn daginn. Umsjón með listasmiðjunum hefur myndlistarkonan Irene Hrafnan. Mælst er með því að börn komi í fylgd fullorðinna.

Aðgangur er ókeypis.

Fimmtudagur 19. október kl. 13 – 15
Tilraunastofa í teikningu

Getur teikning verið leikur eða tilraun eða kannski hreyfing? Við gerum tilraunir með teikningu og allskyns skemmtileg og óhefðbundin verkfæri í leik. Skoðum munstur og form og gerum prufur með endurtekningu á litla og stóra fleti.

Föstudagur 20. október kl. 13 – 15
Kortagerð

Við skoðum kort og kortagerð og veltum fyrir okkur hvað er hægt að yfirfæra í kort.
Staðir geta verið kort en hvað með hluti og orð. Er tildæmis hægt að búa til kort af veðrinu? Við vinnum með pappír og liti í þrívídd.

PAN mynd 1

Annarleikur – góðlátleg ádrepa um vatn og vitfirringu

Helgina 7. og 8. október verður sett upp tónleikhús fyrir alla fjölskylduna í Hafnarborg. Þar bregður Stúlknakór Reykjavíkur sér í ótrúlegustu hljóðgervi og syngur nokkur hugljúf lög í bland. Sýningin  var sett upp í Gautaborg árið 2012 og fékk þar einstaklega góða dóma. Jón Svavar Jósefsson, söngvari, og leikararnir Álfrún Örnólfsdóttir og Arnar Dan Kristjánsson leiða okkur um þessa sögu sem er full af gáska þótt undirtónninn sé grafalvarlegur. Á sviðinu stendur jafnframt fjögurra manna hljómsveit þar sem spilað er á rafhörpu, rafgígju, risablokkflautu og slagverk.

Verkið er byggt á leikriti eftir Norðmanninn Finn Iunker.
Atli Ingólfsson samdi tónlistina.
Búningar voru hannaðir af Christinu Lindgren.
Leikstjórn annaðist Svante Aulis Löwenborg.

Hljóðfæraleikarar:
Katie Buckley, harpa,
Kristín Þóra Haraldsdóttir, víóla,
Anna Petrini, blokkflautur,
Frank Aarnink, slagverk.

Sýningartímar:
Laugardag 7. október kl. 18:00
Sunnudag 8. október kl. 18:00

Miðaverð:
Fullt verð: kr. 3.000
Eldri borgarar og námsmenn: kr. 1.500
Börn yngri en 18 ára: 1.000

 

Miðasala er í síma 585 5790 og  í afgreiðslu Hafnarborgar viku fyrir sýningu.